Два дзесяткі пляжаў санслужбы раяць абыходзіць бокам
5- 11.07.2013, 10:40
- 15,157
Кожны дзесяты з правераных беларускіх пляжаў не адпавядае санітарным і гігіенічным нормам.
Пра гэта сведчыць даследаванне Рэспубліканскага цэнтра гігіены, эпідэміялогіі і грамадскага здароўя.
За першы тыдзень ліпеня спецыялісты санітарна-эпідэміялагічнай службы ацанілі стан 391 зоны рэкрэацыі. І высветлілі - на 43 з іх (11%) тэрыторыя пляжу патрабуе правядзення ўборкі, не праведзены пакос пустазелля, перапоўненыя кантэйнеры для збору смецця і г.д, піша «Інтэрфакс».
Таксама для лабараторных даследаванняў было адабрана 882 пробы вады. 50 з іх не адпавядалі ўстаноўленым гігіенічным нарматывам: 30 па мікрабіялагічных паказчыках (3,4%), 20 - па санітарна-хімічных (2,3%).
Пастановамі галоўных дзяржаўных санітарных лекараў абмежаваная альбо спыненая эксплуатацыя 21-й зоны рэкрэацыі.
Забароненая эксплуатацыя 4 зон адпачынку:
пляж на р. Прыпяць да рэчышча Мерлявіцы Мазырскага раёна Гомельскай вобласці;
пляж на возеры в. Гурнафель ААТ «Васілішкі» Шчучынскага раёна Гродзенскай вобласці;
гарадскі пляж у Клімавіцкім раёне Магілёўскай вобласці;
гарадскі пляж на возеры ў г. Слаўгарад Магілёўскай вобласці.
Прыпыненая эксплуатацыя 10 зон адпачынку:
правы і левы берагі пляжу «Цэнтральны» ў г. Брэсце;
пляж РУП «Брэсцкае аддзяленне БелЧ» Брэсцкага раёна;
пляж КУМПП ЖКГ «Ляхавіцкая ЖКГ» на р. Ведзьма ў г. Ляхавічы Ляхавіцкага раёна Брэсцкай вобласці;
пляж на р. Шчара в. Дарава КУМПП ЖКГ «Ляхавіцкая ЖКГ» Ляхавіцкага раёна Брэсцкай вобласці;
пляж на вадаёме аздараўленчага лагера «Чайка» в. Галоўнінцы аддзела адукацыі Ляхавіцкага райвыканкама Ляхавіцкага раёна Брэсцкай вобласці;
пляж на р. Прыпяць КУП «Жылкамбуд г. Нароўлі» Гомельскай вобласці;
пляж на возеры г. Шчучын Шчучынскага РУП ЖКГ Гродзенскай вобласці;
пляж сажалкі в. Луцкаўляны СВК ім. Дзеньшчыкова Гродзенскага раёна;
пляж № 3 «Фарштат» на р. Бярэзіна Бабруйскага раёна Магілёўскай вобласці.
Абмежаванае купанне дзяцей у 7 зонах адпачынку:
пляж на р. Глініца ў г. Жыткавічы КУП «Жыткавіцкі камунальнік» Гомельскай вобласці;
пляж на р. Ведрыч ДВЛГУ «Рэчыцкі вопытны лясгас» Гомельскай вобласці;
пляж «Цэнтральны» на р. Нёман у Гродзенскай вобласці;
пляж «Ур. Ласосна» ў г. Гродна;
пляж зоны адпачынку «Заслаўскія сажалкі» Менскага раёна;
пляж зоны адпачынку «Бярэзінскае» Маладзечанскага раёна Менскай вобласці;
гарадскі пляж на р. Дняпро ў Шклоўскім раёне Магілёўскай вобласці.