Нарач з цэркарыем не закрылі для купання
5- 10.07.2013, 12:56
- 30,244
Цэркарый, які жыве ў возеры Нарач, не з'яўляецца падставай для закрыцця пляжаў.
Пра гэта паведаміла сёння журналістам загадчык аддзялення камунальнай гігіены Рэспубліканскага цэнтра гігіены, эпідэміялогіі і грамадскага здароўя Ірына Жаўняк, перадае БелТА.
«Цыркарыёз не з’яўляецца інфекцыйным захворваннем, а носіць толькі алергічны характар. З гігіенічнага і эпідэміялагічнага пункту гледжання падстаў для закрыцця пляжаў няма», - падкрэсліла Ірына Жаўняк.
Спецыяліст дадала, што санітарная служба ўсталявала на пляжах возера Нарач стэнды з рэкамендацыямі па прафілактыцы алергіі, выкліканай лічынкай, а таксама летнія душы.
Праблема цыркарыёзу ў Беларусі актуальная толькі для возера Нарач. Што тычыцца санітарна-эпідэміялагічнай сітуацыі на беларускіх вадаёмах у цэлым, то інфармацыя пра стан вады ў афіцыйных зонах адпачынку абнаўляецца штотыдзень. Даведацца пра вынікі даследаванняў можна ў Рэспубліканскім цэнтры гігіены, эпідэміялогіі і грамадскага здароўя або ў рэгіянальных цэнтрах гігіены.
На дадзены момант, у Беларусі забароненая або прыпыненая эксплуатацыя 21 пляжу. Па апошніх дадзеных, спецыялістамі санітарна-эпідэміялагічнай службы праведзенае абследаванне 391 зоны рэкрэацыі, на 11% з іх выяўленыя парушэнні санітарных нормаў і правілаў. Паводле слоў спецыяліста, гэтыя парушэнні часцей за ўсё нязначныя - не зроблены пакос пустазелля або несвоечасова вывезенае смецце.