Турфірма «Белфрэш»: Пакуль не каментуем аварыю ва Украіне
12- 11.07.2013, 15:14
- 22,689
Паводле некаторых звестак, дзіця з Беларусі не загінула ў аварыі, а знаходзіцца ў рэанімацыі.
Пра гэта сайту charter97.org паведамілі ў ТАА «Кампанія «Белфрэш», якая з'яўляецца арганізатарам тура на балгарскі курорт «Чарнаморац».
«Я не магу пакуль што даць каментар, таму што ў нас яшчэ няма афіцыйнай інфармацыі нават пра загінулае дзіця. Гэтае пытанне яшчэ не пацверджанае, па некаторых дадзеных, дзіця знаходзіцца ў рэанімацыі, таму сцвярджаць нешта я не магу. Наш дырэктар цяпер на месцы здарэння, і я думаю, што праз пару гадзін у нас будзе актуальная інфармацыя», - паведаміла прадстаўніца турфірмы.
Нагадаем, сёння ў Валынскай вобласці Украіны адбылася страшная аварыя: аўтобус з дзецьмі з Беларусі сутыкнуўся з рэйсавым аўтобусам.