Эдзіта П'еха не прыме ўзнагароду з рук Лукашэнкі?

Выступленне народнай артысткі СССР на адкрыцці «Славянскага базару» пад пагрозай зрыву.

Як паведамлялася, сёння артыстка павінна была паразмаўляць з прэсай падчас «Зорнай гадзіны» - традыцыйнай фестывальнай прэс-канферэнцыі. Аднак па дарозе ў міжнародны прэс-цэнтр спявачка падвярнула нагу і ўпала, у сувязі з чым яе сустрэча з журналістамі не адбылася. Як адзначылі арганізатары, калі траўма апынецца вельмі моцнай, Эдзіта П'еха не зможа сёння вечарам выйсці на сцэну Летняга амфітэатра, паведамляе БелТА.

Днём у Віцебску адбылося ўрачыстае адкрыццё зоркі легенды савецкай эстрады на Алеі лаўрэатаў спецыяльнай узнагароды Лукашэнкі «Праз мастацтва - да міру і ўзаемаразумення». Цэрымонія ўзнагароджання запланаваная праграмай гала-канцэрта адкрыцця форуму.