Лукашэнка – П’ехе: «Тое, што вы падвярнулі нагу, у гэтым велізарны сэнс»
147- 12.07.2013, 7:28
- 67,646
Расейскай спявачцы прыйшлося прыйсці на цэрымонію адкрыцця «Славянскага базару», нягледзячы на траўму.
Учора па дарозе ў міжнародны прэс-цэнтр у Віцебску, Эдзіта П'еха падвярнула нагу і ўпала, у сувязі з чым нават прыйшлося адмяніць яе сустрэчу з журналістамі. Беларускі кіраўнік знайшоў у гэтым «велізарны сэнс», піша «Інтэрфакс».
«Тое, што вы падвярнулі нагу, у гэтым велізарны сімвал. Пра ўсё можна забыцца. Кветак вам дарылі мора, акіян. Узнагароды ў вас ёсць. Але тое, што вы, ідучы на гэтую цэрымонію ўзнагароджання, падвярнулі нагу, гэта заўсёды будзе помніцца», - сказаў Лукашэнка, уручаючы П’ехе спецыяльную ўзнагароду «Праз мастацтва - да міру і ўзаемаразумення».
«Я папрашу губернатара, ён урач-хірург, ён абследуе вас сёння і вылечыць вас да раніцы, і вы будзеце без спецыяльнага суправаджэння», - паабяцаў Лукашэнка.
Расейскія журналісты ўжо назвалі камплімент беларускага кіраўніка «нязграбным».
Фота: belta.by