Чыноўнік Менгарвыканкама атрымаў дзевяць гадоў за хабар
17- 19.07.2013, 10:07
- 15,057
Былы намеснік начальніка аддзела прадпрыемства «УКБ Менаблвыканкама» прысуджаны да 9 гадоў пазбаўлення волі за карупцыйныя злачынствы.
Ён быў затрыманы ў канцы 2011 года.
«Судом Маскоўскага раёна Менска чыноўнік прызнаны вінаватым у атрыманні хабару, у замаху на атрыманне хабару і прысуджаны да 9 гадоў пазбаўлення волі з канфіскацыяй маёмасці, а таксама пазбаўленнем права займаць пэўныя пасады або займацца пэўнай дзейнасцю тэрмінам на 5 гадоў», - паведамілі агенцтву «Інтэрфакс» у аддзеле інфармацыі і сувязі з грамадскасцю Следчага камітэта.
У ходзе следства ўстаноўлена, што намеснік начальніка аддзела камплектацыі прадпрыемства, адказны за правядзенне закупак і тэндэрных таргоў, вясной 2010 года дамовіўся з кіраўніком ТАА «Салідэйт» аб атрыманні грашовых узнагарод на сістэматычнай аснове ў памеры да 20% ад сумы кожнай дамовы, заключанай гэтай фірмай з КУП «УКБ Менаблвыканкама».
Акрамя таго, праінфармавалі ў СК, матэрыяламі крымінальнай справы пацверджаныя іншыя факты атрымання хабараў ад кіраўнікоў розных суб'ектаў гаспадарання за выбар канкрэтных арганізацый у якасці пастаўшчыкоў тавараў для аб'ектаў УКБ Менаблвыканкама і заключэння з імі адпаведных дамоваў. Сума незаконных узнагароджанняў, якія атрымліваў асуджаны, вар'іравалася ад $160 да $38 тыс. Агульная сума хабараў эквівалентная не менш як Br440 млн.