Праціўнікі Саакашвілі не далі яму павячэраць

Актывісты грамадскай арганізацыі «Абарані Грузію» сарвалі вячэру прэзідэнту краіны ў адным з рэстаранаў горада Зугдзідзі.

Пад няспыннае улюлюканне Міхаіл Саакашвілі і яго госці былі вымушаныя пакінуць рэстаран, перадаюць «Вести».

Як растлумачыў лідар актывістаў Каха Мікая, яны будуць працягваць пераследваць прэзідэнта Грузіі і выказваць свой пратэст, праўда, застаючыся ў рамках закона.

Нагадаем, 27 кастрычніка ў Грузіі пройдуць прэзідэнцкія выбары. Кандыдатам ад партыі Міхаіла Саакашвілі на іх выступіць 41-гадовы Давід Бакрадзэ. Кіруючая кааліцыя «Грузінская мара» вылучыла ў якасці кандыдата Георгія Маргвелашвілі.