«Ляпісы» выступілі ў 40 кіламетрах ад мяжы РБ

Позна ўвечары ў пятніцу «Ляпіс Трубяцкой» цягам гадзіны выступаў на літоўскім фэсце Galapagai у Зарасаі.

Горад знаходзіцца ўсяго ў 40 км ад беларускай мяжы, піша «Салiдарнасць».

«Ляпіс Трубейцкой» быў сярод хэдлайнераў фестывалю. Першы дзень мерапрыемства завяршалі шведы з Clawfinger.

Сяргей Міхалок трымае слова: забароненая на радзіме група па-ранейшаму імкнецца даваць канцэрты уздоўж перыметра Беларусі. На выступленні «Ляпіса» сабралася значная беларуская аўдыторыя. А неафіцыйным сцягам фестывалю стаў бел-чырвона-белы сцяг.

Напярэдадні старту фестывалю ў курортным Зарасаі нельга было не заўважыць беларускай прысутнасці. Маладыя людзі час ад часу спявалі песні з рэпертуару «Ляпіса» і NRM. У першыя гадзіны фестывалю беларусы выглядалі самымі шумнымі сярод астатніх гасцей Зарасая. У горадзе нават выявілася мінскае таксі - адзін з жыхароў сталіцы прыбыў на асабістым аўтамабілі.

Пры выхадзе «Ляпіса» на сцэну Сяргей Міхалок лаканічна падкрэсліў прыналежнасць музыкаў: група з горада-героя Мінска Рэспублікі Беларусь. У наступную гадзіну група, што называецца, «узарвала» залу. Было выканана, у тым ліку, пяць беларускамоўных песень. Завяршыўся канцэрт гурта словамі яе лідэра: «Жыве Беларусь! Не быць скотам!