Дом увялі ў эксплуатацыю без вады і святла, але на рахункі не забыліся

Забудова прэстыжнага сталічнага жылога раёна, размешчанага ў двух кроках ад «Мінск-Арэны», суправаджаецца скандаламі.

Аглядальнік interfax.by стаў сведкам аднаго з іх.

Прыгожы пачатак

У 2010 годзе было абвешчана аб тым, што ў 2011-2013 гадах у жылым раёне Лебядзіны разгорнецца чыннае будаўніцтва жылых дамоў і аб'ектаў сацыяльна-культурнага і бытавога прызначэння. Месца, што і казаць, цудоўнае: блізкасць да Менскай колавай аўтадарогі ў спалучэнні з блізкасцю да цэнтра горада. Адсюль на аўтамабілі праспектам Пераможцаў да ГУМа можна дабрацца за 8-10 хвілін, на грамадскім транспарце - за 15-20.

Экалагічнае становішча - таксама вышэйшае за усякую хвалу: побач размешчаныя вадасховішча Дразды, прыродны заказнік Лебядзіны з Азярцом, паркавая зона элітнага жылога раёна Дразды з прыватнай індывідуальнай забудовай.

Гатэльна-жылы комплекс «Славянскі» стаў адным з піянераў на раней не засвоенай тэрыторыі. Тры 22-павярховыя маналітна-каркасныя будынкі плюс гатэль «Славянскі» ўпрыгожваюць від на новабуд з боку Нарачанскай вуліцы, на якую транспарт з цэнтра Менска збочвае адразу пасля «Мінск-Арэны». Кожны з жылых дамоў мае агульную плошчу 10007,24 кв.м, жылыя паверхі размешчаныя з 1-га да 22-га, колькасць кватэр у кожным з дамоў - 168, плошча кватэр - ад 38,66 да 110,37 кв.м. Здавалася б, укладай грошы, чакай заканчэння будаўніцтва, весяліся і радуйся жыццю. Але...

Гатовасць № 0?

Будаўніцтва першага з трох жылых дамоў ДЖК «Славянскі» скончылася практычна ў тэрмін - увесну 2013 года. Забудоўнік у траўні бадзёра адрапартаваў на сваім сайце: «Атрыманыя высновы Інспекцыі Дэпартамента кантролю і нагляду за будаўніцтвам г.Менска аб гатовасці жылога дома №2.3 да прыйманні ў эксплуатацыю. Цяпер намі прадаўжаецца працэдура тэхнічнай інвентарызацыі і дзяржаўнай рэгістрацыі гэтага аб'екта нерухомасці, які будзе скончаны бліжэйшым часам».

1 чэрвеня - новае паведамленне: «Жылы дом 2.3 здадзены ў эксплуатацыю. Акт уводу падпісаны, у гэты момант ідзе рэгістрацыя дакумэнтаў для перадачы кватэр пакупнікам». А праз некалькі дзён - яшчэ адное: пачаты продаж кватэр у першым з трох дамоў «Славянскі». Пры гэтым кошт немаленькі: 1 кв.м аднапакаёвых і трохпакаёвых кватэр - $1600, двухпакаёвых - $1650 курсам Нацбанка РБ.

Тыя ж, хто ўносіў грошы на кватэры раней, пільна сачылі за хадой будаўніцтва. Пасля таго, як дом быў здадзены, высветлілася, што ў ім... няма вады, каналізацыі і электрычнасці!

У СМІ звярнуліся два ўладальнікі кватэр у доме №8 на вуліцы Мястраўскай (гэта афіцыйны адрас жылога дома 2.3 ВК «Нарачанска-Лебядзіны» комплексу «Славянскі») Андрэй Курнічэнка і Анатоль Нагорны. У абедзвюх кватэры на вышэйшых паверхах, у кожнай з іх шмат недаробак (сустрэча з журналістам адбывалася 26 ліпеня - заўв.аўт.).

- У сакавіку павінны былі ўсяліцца, - кажуць яны. - Добра, здалі дом крыху пазней - мы б зрабілі хутка, за пару месяцаў рамонт, калі жыць няма дзе. Але і гэта немагчыма: падымацца кожны раз на вышэйшыя паверхі цяжка, а калі няма ліфта або з сабой інструмэнты ці будматэрыялы - і зусім праблематычна.

Трэба сказаць, што і іншыя ўладальнікі кватэр у доме № 8 вельмі незадаволеныя сітуацыяй, якая склалася. У Інтэрнэце яны здзіўляліся: няўжо дом можа здавацца ў эксплуатацыю без вады і святла? Бо калі чалавек атрымаў ключы ад кватэры, яму аўтаматычна пачынаюць «капаць» камунальныя выплаты. За што, каб папытаў, плаціць, калі дом фактычна непрыдатны для пражывання?

Дробязі, а непрыемна

Разам з Андрэем і Анатолем узнімаемся на 18 паверх. Вядома, без ліфта. Сходы ўжо вымытыя, але пытанні да іх засталіся. Парэнчы на некаторых паверхах устаноўленыя так, што паміж пралётамі ўтвараецца ніштаватая дзірка. У яе папросту праткнецца чаравік вялікага памеру.

На самім паверсе параўнальна светла ў калідорах толькі там, дзе адчыненыя дзверы ў кватэры.

Ліфтавы тамбур адчынены, але там цёмна.

Са слоў Анатоля, ён «вельмі незадаволены» якасцю будаўнічых работ у сваёй будучай кватэры.

На балконных рамах, напрыклад, малапрыемныя бурыя кропкі. Іржа?

Парог балконных дзвярэй настолькі «крохкі», што пры крананні абуткам абсыпаецца.

У дзень, калі новабудоўлю разам з будучымі жыхарамі дома № 8 на вуліцы Мястраўскай наведалі журналісты, на аб'екце знаходзіліся таксама прадстаўнікі генвыканаўцы і субвыканаўцаў. Яны й патлумачылі некаторыя асаблівасці нацыянальнага будаўніцтва. Да прыкладу, дзейнасць выцяжкі на кухні, якая, на думку будучага навасельца, альбо не функцыянуе зусім, альбо функцыянуе вельмі дрэнна, проста так праверыць складана. Трэба зачыніць альбо вокны, альбо дзверы ў кватэру.

Крывізна сцен таксама, выяўляцца, мае свае допускі. І тое, што здаецца навасельцам хібай, часцяком адпавядае будаўнічым нормам.

А вось з расколінамі на сцяне прадстаўнік генвыканаўцы паабяцаў разабрацца. Але дадаў, што пасля будаўніцтва дом дае ўсаджванне на працягу года, так што з'яўленне гэткіх пахібаў - не рэдкасць.

Што да столяў, якія здаюцца асабліва крывымі, то, выяўляецца, таксама існуюць нормы, якія дапускаюць, што пліты перакрыццяў могуць «правісаць» на пэўныя значэнні. Зрэшты, сучасныя тэндэнцыі жылога дызайну дазваляюць схаваць «допускі» за падвеснымі столямі.

Што яшчэ выклікала незадаволенасць Андрэя і Анатоля? Ну, хоць бы неахайнасць у працы будаўнікоў.

Або непрадказальнасць пракладзенай электраправодкі.

Альбо недазваляльныя цечы на сутыку сцен і столі.

Трэба аддаць належнае прадстаўніку генвыканаўцы: з усімі прэтэнзіямі незадаволеных уласнікаў кватэр ён абяцаў хутка разабрацца, і калі сапраўды будаўнічыя недапрацоўкі маюць месца, неадкладна іх ліквідаваць. Пазней паведамілі, што арганізацыя сваё слова стрымала.

Адзін пабудаваў, а другі не паспеў

З будаўнічымі хібамі, са слоў Андрэя Курнічэнкі і Анатоля Нагорнага, яшчэ неяк можна было згадзіцца. «Не гэта галоўнае», - мяркуюць яны.

- Дом, вядома, прыгожы, але ўсяляцца сюды ці хоць бы пачаць рабіць рамонт немагчыма, - кажуць будучыя навасельцы. - Па-першае, паспрабуйце дапяць да майго 18 паверху без ліфта ўлегцы, не кажучы ўжо пра тое, што трэба неяк занасіць будматэрыялы. А па-другое, паспрабуйце зрабіць рамонт, калі няма электрычнасці і, тым больш, вады.

Сапраўды, бетонную рошчыну без вады не зробіш, электрадрыль у нядзейную разэтку не ўвамкнеш. А калі закарціць у туалет, ёсць некалькі варыянтаў дзеянняў (падрабязна апісваць не будзем), але ўсе яны малапрыемныя.

У канцы ліпеня генеральны дырэктар кампаніі-забудоўніцы ў інтэрв'ю тэлеканалу СТВ заявіў, што кампанія залежыць ад інжынерных сетак па-за пляцоўкай:

- Мы залежым ад тэрмінаў іх будаўніцтва і ўводу ў эксплуатацыю. Пры адсутнасці, да прыкладу, вады або электраэнэргіі ў магістральных інжынерных сетках вады і электрычнасць не будзе і на аб'екце будоўлі.

Толькі чаму пакутаваць праз няўзгодненасць дзеянняў розных службаў і арганізацый павінны ўласнікі кватэр?

Пасляслоўе з працягам

Пасля таго як уладальнікі квадратных метраў у доме № 8 на вуліцы Мястраўскай прылучылі да развязання праблемы журналістаў, справа зрушылася з мёртвага пункта. У канцы ліпеня святло і вада з'явіліся.

Праўда, на форуме жыхароў комплексу «Славянскі» хутка з'явілася інфармацыя: не абышлося без прарыву падземных камунікацый. Спачатку ў адным месцы прарвала - праблему ліквідавалі, затым у іншым. Рамонтнікам давялося раскалупаць свежапакладзены асфальт.

«Перад здачай камунікацыі павінны былі прайсці гідраўлічныя выпрабаванні з адпаведным пратаколам або актам выпрабаванняў. Яны што, не праходзілі іх?» - здзіўляецца адзін з удзельнікаў форуму.

Патрэбныя пытанні

У згаданым вышэй тэлевізійным інтэрв'ю старшыня таварыства ўласнікаў жылога комплексу «Нарачанскі-Лебядзіны» пажаліўся: у людзей, якія не зарэгістраваныя ў кватэрах, назбіраліся вялікія сумы за тэхабслугоўванне і капрамонт дома. Вядома, пасля таго, як навасельцы ўедуць і зарэгіструюцца, аплата будзе ў тры разы меншая. Але ўедуць яны ў кожным выпадку нашмат пазней, чым планавалі.

Між тым напамінак пра тое, што рахункі чакаюць аплаты, сустракае будучых насельнікаў дома № 8 на вуліцы Мястраўскай яшчэ ля ўваходу ў пад'езд.

А цяпер - «цяжкія» пытанні

ЧАМУ новы дом прымаецца ў эксплуатацыю, а ўласнікам кватэры выдаюцца ключы, калі ў будынку няма ні вады, ні святла?

ХТО ВІНАВАТЫ ў тым, што ў Лебядзіным своечасова не забяспечылі нармальнае функцыянаванне інжынерных камунікацый?

Нарэшце, ЦІ ЁСЦЬ ГАРАНТЫЯ, што іншыя новабудоўлі ў «прэстыжным» жылым раёне Лебядзіны не напаткае тая ж доля, што дом № 8 на вуліцы Мястраўскай?