Плошчу Перамогі зноў перакрыюць

У Менску на выходныя будзе часова закрыты рух усіх відаў транспарту ў раёне плошчы Перамогі.

Пра гэта паведамілі БелТА ў дзяржаўнай установе «Сталічны транспарт і сувязь».

Гэта звязана з выкананнем работ па капітальным рамонце пр. Незалежнасці на ўчастку ад пл.Перамогі да вул.Казлова, змены ў працу пасажырскага транспарту ўносяцца з 22.00 9 жніўня да 5.00 12 жніўня.

Рух аўтобусаў маршрутаў №100, 1064-ТК, 1076-ТК, 1112-ТК, 1151-ТК, 1152-ТК, 1280-ТК арганізуецца ў абодвух напрамках па пр. Незалежнасці, вул.Захарава, Першамайскай, З.Бядулі, Казлова і далей па маршруце. Аўтобусы №115Э будуць хадзіць у напрамку канчатковага пункта «Тубдыспансер» па пр. Незалежнасці, вул.Я.Купалы, Першамайскай, З.Бядулі, Казлова, пр. Незалежнасці і далей па маршруце, у напрамку ДС Дружная - па пр. Незалежнасці, вул. Казлова, З. Бядулі, Першамайскай, Ульянаўскай, Свярдлова, пр. Незалежнасці і далей па маршруце.

Рух аўтобусаў прыгараднага маршруту №300Э ад аўтавакзала «Цэнтральны» арганізуецца па вул.Бабруйскай, Ульянаўскай, Першамайскай, З.Бядулі, Казлова, пр. Незалежнасці і далей па маршруце, у зваротным напрамку - па пр. Незалежнасці, вул.Казлова, З. Бядулі, Першамайскай, Ульянаўскай, Свярдлова, пр. Незалежнасці, вул.Бабруйскай.