Хакеіст «Гомеля» судзіцца з клубам за пазыкі па зарплаце

Абаронца хакейнага клуба «Гомель» Кірыл Сцяпанаў падаў на яго ў суд.

Пра гэта паведамляе партал Isport.ua.

Гулец спрабуе атрымаць грошы, якія належаць яму па кантракце. Кірыл Сцяпанаў лічыць, што такім чынам пазыкі вернуць не толькі яму. Пра якія сумы ідзе гаворка, хакеіст замоўчвае.

Паводле яго слоў, са студзеня гульцы атрымлівалі 20% ад заробленага па кантракце, а шматлікія гульцы з прычыны гэтай сітуацыі пагадзіліся на амаль трохразовае скарачэнне заробкаў. У якасці тлумачэння прыводзіўся нейкі Указ прэзідэнта, які не дазваляе плаціць футбалістам заробленыя імі грошы.

«Сітуацыя ў Гомелі склалася, як і ў іншых клубах АЧБ - кіраўніцтва спасылалася на ўказ Лукашэнкі, з-за якога не могуць аплаціць усё належнае па заробках са студзеня 2013 года. Гэта значыць, з гэтага месяца мы атрымлівалі толькі па 20 адсоткаў ад агульнай сумы заробленага па кантракце. Сезон завяршыўся і на некалькіх сходах у клубе дырэктар Усовіч даваў слова афіцэра, што ён бы з радасцю выплаціў усе грошы, але не можа пераступіць праз указ. Маўляў, не хоча сесці ў турму з-за гэтага», - кажа ён.

Гулец паведаміў, што яго адвакат рыхтуе ліст у пракуратуру, а таксама на імя Лукашэнкі.

На гэтай ноце Сцяпанаў, які ў мінулым сезоне стаў адным з лепшых абаронцаў Беларусі, пакідае нацыянальны чэмпіянат. Гулец падпісаў кантракт з Пермскім «Молатам-Прыкам'е».

Фота: goals.by