Грэф: Мы не атрымалі ад Беларусі ні шэлега прыбытку

Пакуль мы толькі інвэстуем у Беларусь, і яшчэ не ўзялі ні шэлега прыбытку, сказаў прэзідэнт Сбербанка РФ.

Сбербанка РФ ахвочы ўлічваць сітуацыю, што складваецца на калійным рынку, пры разглядзе пытання аб абслугоўванні і сплаце ААТ «Беларуськалій» сіндыкаванага крэдыту $1 млрд, што быў рэфінансаваны Сбербанкам РФ.

«Сітуацыя на калійным рынку няпростая, мы будзем глядзець, як развіваецца сітуацыя», - заявіў прэзідэнт, старшыня ўправы Сбербанка РФ Герман Грэф у пятніцу журналістам у Менску, паведамляе «Інтэрфакс».

«Пакуль мы толькі інвэстуем у Беларусь, і яшчэ не ўзялі адсюль ні шэлега прыбытку. Хачу заўважыць, што кожная дэвальвацыя нясе нам вялізныя страты, якія звязаныя з курсавымі розніцамі ды іншымі момантамі», - сказаў Грэф.

Ён адзначыў, што ў рамках пагаднення Сбербанка РФ з урадам Беларусі аб інвэстыцыйным супрацоўніцтве за апошнія 3 гады банк інвэставаў у эканоміку краіны $ 14 млрд, у тым ліку $ 3 млрд - у студзені-жніўні 2013 года.

Як паведамлялася, у снежні 2011 года «Беларуськалій» прыцягнуў крэдыт Сбербанка РФ на $ 1 млрд пад гарантыі ўрада, забеспячэннем якіх з'яўлялася выдача ў заклад Сбербанку 51 % акцый ААТ «Нафтан». У кастрычніку 2012 года «Беларуськалій» уклаў з Ашчадным банкам пагадненне аб рэфінансаванні крэдыту. З умоў выключаецца абцяжаранне акцый «Нафтана».