Эксперты выбралі лепшае піва 2013

Журы конкурсу World Beer Awards выбрала лепшыя гатункі піва ў 2013 годзе.

Пераможцам прызнана чэшскае Primator Weizenbier. Яно ж ўзяло прыз як лепшае пшанічнае піва, піша Lenta.ru.

Лепшым лагерам стала ангельскае Sharp's Cornish Pilsner, а лепшым цёмным - бельгійскае Malheur 12. У намінацыі «пейл-эль» перамагло французскае Maison de Brasseur Thou, а японскі стаўт Minoh Beer Imperial - у катэгорыі «стаўт і портэр». Таксама ўзнагароды ўзялі бельгійскі крык Lindemans Old Kriek Cuvée René (намінацыя sour beer, кіслы эль), японскае вэнджанае Tazawako Beer Rauch (сярод араматызаваных), канадскае Le Trou du Diable La Bretteuse Brassin Special (піва, зваранае па спецыяльнай тэхналогіі). Журы выбрала і лепшую піўную этыкетку - яна апынулася на амерыканскім піве Deschutes The Dissident.

Варта адзначыць, што World Beer Awards, заснаваны ў 2007 годзе брытанскай кампаніяй Paragraph Publishing, з'яўляецца камерцыйным конкурсам і далёка не адзіным мерапрыемствам з падобных. Найстарэйшым і адным з найбольш аўтарытэтных конкурсаў на лепшае піва з’яўляецца International Brewing Awards, які праводзіцца з 1886 года. Многія нішавыя выданні, асацыяцыі півавараў і нават горада праводзяць ўласныя конкурсы.

Фота: pivnici.cz