Двое жыхароў Светлагорска скралі ўсю зброю з ціра
5- 4.09.2013, 11:51
- 10,336
У мінулыя выходныя з ціра на набярэжнай Светлагорска нехта скраў пнеўматычную зброю, якая імітуе баявыя прататыпы.
Сёння ў міліцыі паведамілі, што налёт раскрыты, падазраваныя затрыманыя, зброя знойдзеная, піша onliner.by.
Пнеўматычныя пісталеты кольт і берэта, копіі аўтамата і кулямёта Калашнікава і аўтаматычная пнеўматычная вінтоўка захоўваліся ў металічнай скрыні. Яе і ўзламалі зламыснікі.
Падазраваных устанавілі праз тыдзень. Імі апынуліся 30-гадовы зваршчык і 40-гадовы беспрацоўны, абодва мясцовыя. Зброя канфіскаваная. Як затрыманыя планавалі выкарыстаць здабычу - высвятляецца.