HBO пакажа фільм пра Свабодны тэатр
2- 4.09.2013, 18:17
- 8,384
Амерыканская тэлекампанія купіла правы на трансляцыю фільма пра нелегальны тэатр з Беларусі ў ЗША.
Стужка «Dangerous Acts Starring The Unstable Elements Of Belarus» возьме ўдзел у асноўнай праграме Міжнароднага кінафестывалю ў Таронта.
Сёння стала вядома таксама і пра тое, што HBO Documentary Films пацвердзіла набыццё правоў на яе трансляцыю на тэрыторыі ЗША.
Фільм прысвечаны падпольнаму Беларускаму Свабоднаму тэатру, піша сайт theslanted.com. Яго зняла Мэдэлін Саклер - намінантка на прэмію Оскар 2010 года.
«Пасля падпольнай працы над гэтым фільмам цягам апошніх трох гадоў праз цэнзуру ў Беларусі мы вельмі ўсхваляваныя тым, што дзелімся сваім досведам з аўдыторыяй на тэлеканале НВО», - кажа Мэдэлін Саклер.
Міжнародны кінафестываль у Таронта - штогадовы кінафестываль, які праводзіцца ў Канадзе з 1976 года. Звычайна ён пачынаецца вечарам у першы чацвер верасня і доўжыцца дзесяць дзён.
У адрозненне ад шмат якіх іншых кінафестываляў на фэсце няма афіцыйнага журы і галоўным прызам з'яўляецца Прыз глядацкіх сімпатый, які прысуджаецца паводле вынікаў галасавання.