У Міжземным моры спалілі карабель з 30 тонамі гашышу
13- 8.09.2013, 10:56
- 25,079
У Міжземным моры егіпецкія і сірыйскія маракі падпалілі сваё судна, на якім яны везлі 30 тон гашышу.
Пра гэта паведамляе Agence France-Presse са спасылкай на італьянскіх паліцыянтаў, якія спрабавалі арыштаваць наркадзяльцоў.
Інцыдэнт адбыўся ў адкрытым моры паміж Мальтай і Сіцыліяй. Маракі падпалілі сваё 85-метровае грузавое судна, калі ўбачылі, што набліжаюцца паліцэйскія катэры. Яны скокнулі ў ваду, пасля чаго праваахоўныя органы выратавалі іх і ўзялі пад варту, удакладняе Lenta.ru.
Судна адбуксіравалі да берага толькі праз некалькі гадзін пасля таго, як агонь згас. Акрамя італьянскіх паліцыянтаў, у спецаперацыі таксама ўдзельнічалі праваахоўныя органы Мальты, якія адправілі на перахоп судна тры катэры і гелікоптар.