Пасля цяжкага бою Вікторыя Азаранка саступіла Серэне Уільямс

Амерыканка Серэна Уільямс выйграла ў фінале US Open у беларускі Вікторыі Азаранкі.

У фінальным матчы жаночага адзіночнага разраду US Open (прызавы фонд - 25 526 000 даляраў) амерыканка Серэна Уільямс (№1 ВТА) перамагла Вікторыю Азаранка (№2) - 7:5 6:7 (6:8), 6:1.

Амерыканка выйграла першы сэт, а затым упэўнена пачала другую партыю, ведучы 4/1 і 5/3. Тым не менш, Азаранка здолела зраўняць лік - 5/5, пасля чаго спартсменкі абмяняліся брэйкамі. На тай-брэйку мацнейшай аказалася беларуская тэнісістка. Паядынак працягваўся 2 гадзіны 44 хвіліны.

На рахунку Вікторыі 6 «віннераў», 5 двайных і 12 нявымушаных памылак, а Серэна 5 разоў падавала навылёт, дапусціла 2 двайныя і 12 нявымушаных памылак, зарабіўшы пры гэтым 15 актыўна выйграных ачкоў. Другая партыя працягвалася 1 гадзіну 10 хвілін.

Да фінальнай сустрэчы US Open-2013 лепшая беларуская тэнісістка па чарзе абгуляла немку Дзіну Пфіцэнмайер (99) - 6:0, 6:0, прадстаўніцу Канады Аляксандру Возняк (323) - 6:3, 6:1, францужанку Алізэ Карнэ (28) - 6:7 (2:7), 6:3, 6:2, сербку Ану Іванавіч (15) - 4:6, 6:3, 6:4, славацкую тэнісістку Даніэлу Хантухаву (48) - 6:2, 6:3 і італьянку Флавію Пенету (83) - 6:4, 6:2.

У гэтым годзе 24 -гадовая Вікторыя Азаранка выйграла першы ў сезоне турнір серыі «Вялікага шлема» - адкрыты чэмпіянат Аўстраліі ў Мельбурне, а затым была лепшай на спаборніцтвах у Дохе і Цынцынаці. Усяго за сваю прафесійную кар'еру, распачатую ў 2003 годзе, Вікторыя 17 разоў перамагала на турнірах пад эгідай ВТА.

Вікторыя Азаранка другі раз запар прайграла ў фінале адкрытага чэмпіянату ЗША па тэнісе.