Акцёры ТЮГа абвясціла вотум недаверу дырэктару

Яны пратэстуюць супраць спробы панізіць статус мастацкага кіраўніка, рэжысёра Уладзіміра Савіцкага.

26 студзеня ў выніку пасяджэння мастацкай рады і агульнага сходу была прынятая пастанова абвясціць вотум недаверу дырэктару тэатра Мікалаю Казюліну, піша «Інтэрфакс».

Астатняй кропляй у напружаных стасунках калектыву і дырэктара стала пастанова Казюліна звольніць мастацкага кіраўніка ТЮГа Уладзіміра Савіцкага і скасаваць гэтую пасаду зусім. Як працаваць без мастацкага кіраўніка, калектыў тэатра не ўяўляе, і спрабуе давесці дырэктару патрэбу захавання гэтай пасады і дасведчанага Савіцкага на ёй.

Асобная хітрасць у тым, што мастацкі кіраўнік тэатра статусам прыкладна роўны дырэктару, і дырэктар не можа яго звольніць або ад яго пазбавіцца. А галоўны рэжысёр – чалавек, які і павінен, на думку М.Казюліна, развязваць усе творчыя пытанні, быць цалкам падсправаздачным і падуладным дырэктару.

«Дырэктар пры адсутнасці мастацкага кіраўніка становіцца аднаасобным гаспадаром, - падзялілася сваім меркаваннем з карэспандэнтам заслужаная артыстка Рэспублікі Беларусь Вера Кавалерава. - А Казюлін мерыцца зрабіць з нашага тэатра шоў, і не хавае гэтага. Ён мяркуе, што мы не павінны выхоўваць праз свае спектаклі, як гэта было доўгія гады і дзесяцігоддзі, а толькі забаўляць гледачоў».

Перспектыва змены выхаваўча-ідэалагічнай падкладкі тэатра на забаўляльную палохае і засмучае калектыў.

«Паглядзіце, што робіцца ў Расеі, - кажуць у тэатры. - Там ужо кажуць аб некалькіх страчаных пакаленнях, якім менавіта не стала такога выхаваўчага дзіцячага тэатра, і вакол якіх адны толькі забаўкі».

ТЮГ заўсёды ганарыўся ўменнем яскрава падаваць адмоўных персанажаў пастановак, але пры гэтым ствараць такую аўру вакол гэтых герояў, каб яны не сталі прывабнымі для юных гледачоў і ня закасавалі галоўных герояў.

«Калісьці я размаўляла з пробашчам Жыровіцкага манастыра і спытала, як ставіцца да таго, што шмат хто нас, акцёраў, абвінавачвае ў сімуляцыі, - распавяла Кавалерава. - І ён адразу ж адказаў: вас, маўляў, такімі стварыў Гасподзь - значыць, на вас ляжыць асаблівая місія. З такімі думкамі і пачуццямі мы і выходзім на сцэну».

«Пры мастацкім кіраўніку мы адчуваем сябе пад абаронай, - кажуць акцёры тэатра. - Галоўны рэжысёр жа з'яўляецца ўсяго толькі выканаўцам загадаў зверху».

Артысты разводзяць рукамі: нават рэпертуар тэатра, не кажучы ўжо пра канкрэтных яго працаўнікоў, новы дырэктар бачыць не так, як мастацкая рада і спрактыкаваныя работнікі тэатра. У прыватнасці, вялікія сумневы выклікае ў яго пастаноўка «Сіняй птушкі», над якой цяпер пад кіраўніцтвам У.Савіцкага працуе трупа і з якой тэатр плануе выступіць ужо на новай тэатральнай арэне. Казюлін ж называе «Сінюю птушку» «прадуктам заходнееўрапейскай культуры з вельмі складаным філасофскім падтэкстам». Невядомы лёс таксама новых пастановак «Цалёвачка» і «Зацюканы апостал», над якімі актыўна працавала ўся трупа тэатра разам з мастацкім кіраўніком, і якія мусілі быць таксама ўпершыню прадстаўленыя на новай сцэне.

Кантракт тэатра з У.Савіцкім павінен быў скончыцца ў красавіку 2015 года, аднак дырэктару заманулася пазбавіцца ад мастацкага кіраўніка менавіта цяпер. Дарэчы, на агульны сход калектыву М.Казюлін не прыйшоў.

Мікалай Казюлін заняў пасаду дырэктара беларускага Тэатра юнага гледача некалькі месяцаў таму. Адбылося гэта пасля смерці папярэдняга кіраўніка тэатра Юрыя Куліка. Са слоў работнікаў ТЮГа, новы дырэктар мае вельмі цьмянае ўяўленне аб рэпертуары тэатра і ўсіх ранейшых яго напрацоўках, якія ствараліся гадамі, і не хоча ісці ні на які кантакт з калектывам, працуючы паводле прынцыпу «я тут галоўны».

«За два месяцы працы цяперашні дырэктар разабраўся ў найскладанейшым механізме тэатры драмы? З досведам працы ў тэатры эстрады і досведам працы дырэктара Дома культуры? - разводзіць рукамі загадчыца літаратурна-драматургічнай часткай Тэатра юнага гледача Жанна Лашкевіч. - А «Сіняя птушка»? З гэтай пастаноўкай пачынаў працаваць для дзяцей МХАТ, а Станіслаўскі ўважаў «Сінюю птушку» за праграмную для дзіцячага тэатра, і яна доўгія гады была ў рэпертуары першага тэатра Расеі».

Дарэчы, неўзабаве чакаецца пераезд у адрамантаваны і рэканструяваны будынак ТЮГа, праз рамонт якога апошнія 5 гадоў адзін з вядучых тэатраў Беларусі вымушаны быў працаваць на непрыстасаваных да складаных пастановак і прыймання юных гледачоў пляцоўках. У прыватнасці, апошнімі гадамі ТЮГ кватараваў у Доме літаратара на вул.Фрунзэ, 5.

Выказваючы вотум недаверу Мікалаю Казюліну, «тюгаўцы» выказалі спадзяванне, што будуць пачутыя і простымі гледачамі, і чыноўнікамі з Мінкультуры ды адміністрацыі прэзідэнта.

ТЮГ - адзіны беларускі тэатр, які спецыялізуецца на беларускамоўных пастаноўках для дзіцяча-юнацкай аўдыторыі. Частка пастановак тэатра перасякаецца са школьнай праграмай, частка - дапаўняе яе і развівае ў маладым пакаленні найлепшыя якасці. Прычым, у рэпертуары ТЮГа ёсць пастаноўкі як для малых дашкольнікаў, так і для падлеткаў - узроставай катэгорыі, не абхопленай іншымі тэатрамі.

Цяперашні мастацкі кіраўнік тэатра Уладзімір Савіцкі з'яўляецца лаўрэатам некалькіх драматургічных конкурсаў, аўтарам інсцэніровак і п'ес. У трупе ТЮГа працуюць заслужаныя артысты Рэспублікі Беларусь Барыс Барысёнак, Ларыса Горцава, Вера Кавалерава, Леанід Улашчанка. Тэатр вядзе сваю гісторыю з 1931 года.

Што будзе далей з ТЮГам? Невядома. Мабыць, гэта будзе цалкам залежаць ад Міністэрства культуры і Менгарвыканкама, і ад таго, ці пачуюць калектыў тэатра з яго патрабаваннямі сёння. Бо шмат якія маладыя акторы, якія працуюць у Тэатры юнага гледача, прызнаюцца, што прыйшлі ў гэты тэатр менавіта для таго, каб працаваць з Савіцкім. Не будзе яго - гатовыя сысці і яны.

«Калі Казюлін застанецца, а Савіцкі сыдзе - тэатра не будзе, - сцвярджае Вера Кавалерава. - Сыдзе вялікая частка акцёраў. Можа, пад маркай ТЮГа і будзе існаваць нешта іншае, але ніякага дачынення да цяперашняга класічнага тэатру гэта мець не будзе. Нам крыўдна і балюча, што так адбываецца. Сысці - прасцей за ўсё. Мы ж хочам паспрабаваць пазмагацца за наш тэатр. І мы змагаемся!»