Пад Менскам перакулілася маршрутка з пасажырамі
1- 1.10.2014, 12:06
- 10,574
У выніку сутыкнення з «Рэно-Лагуна» маршрутка перакулілася на бок.
Як інфармуе тэлеканал «Беларусь-1», «Мерседэс» ехаў па маршруце Менск - Фаніпаль. Калі ён падняўся на мост праз Пціч, насустрач раптоўна вылецеў іншы аўтамабіль. Чаму кіроўца «Рэно-Лагуна» пакінуў сваю паласу і накіраваўся лоб у лоб на мікрааўтобус, пакуль невядома. Відавочцы ж запэўніваюць, што ён быў моцна п'яны.
«Мерседэс» не змог размінуцца на вузкім мосце. У выніку сутыкнення маршрутка перакулілася на бок. Маршрутка ледзь не ўпала з моста ў раку. У «Рэно» моцна пашкоджаная пярэдняя левая частка. На шчасце абодва кіроўцы і пасажыры маршруткі моцна не пацярпелі.