Амерыканскія танкі і бронетэхніка прыбылі ў Польшчу і Літву

У краіны Балтыі прыбыла 1-я брыгадная тактычная група 1-й бронекавалерыйскай дывізіі войска ЗША.

Узброенае танкамі і іншай цяжкай бронетэхнікай падраздзяленне павінна супакоіць суседзяў, напалоханых агрэсіяй Расеі ва Украіне, паведамляе Liga.net.

У рамках аперацыі "Атлантычная рашучасць" у Эстонію, Латвію, Літву і Польшчу прыбываюць у агульнай складанасці больш за 600 вайскоўцаў, а таксама танкі, баявыя машыны пяхоты і бронетранспарцёры.

Яны правядуць сумесныя вучэнні з ўзброенымі сіламі гэтых краін дзеля ўмацавання ўзаемадзеяння паміж імі, а таксама дэманстрацыі прыхільнасці Злучаных Штатаў сваім саюзнікам па NАТО, - заяўляў раней дырэктар у камунікацыях і ўзаемадзеянні еўрапейскага камандавання ЗША капітан Грэг Хікс.

Часткі амерыканскага асабістага складу і бронетэхнікі ўжо прыбылі ў Літву і Польшчу. Вайскоўцы 1-й брыгаднай тактычнай групы 1-й бронекавалерыйскай дывізіі - адной з найбуйнейшых у Злучаных Штатах - заменяць на вучэннях 173-ю паветрана-дэсантную брыгаду, якая знаходзілася там з красавіка.

Жаўнеры, якія прыбылі, прабудуць у Прыбалтыцы каля трох месяцаў. 1-я брыгадная тактычная група, ці "Жалезныя коні", як яе называюць на радзіме, будзе ўзмоцненая танкамі M1A1 "Абрамс", а таксама баявымі машынамі M2 "Брэдлі" і "Страйкер".

"Гэтыя замены з'яўляюцца наступнай фазай прысутнасці сіл NАТО ў Польшчы і Прыбалтыцы ў адказ на расейскую агрэсію ва Украіне", - заяўляў капітан Грэг Хікс.

"Прыбыццё нашай тактычнай групы можа некалькі зацягнуцца праз наяўнасць бронетэхнікі, аднак няма нічога лепш танка, калі вы сапраўды маеце намер дамагчыся эфекту", - сказаў афіцыйны прадстаўнік "Жалезных коней" Джон Фармер.

Фота: EFE/EPA