Заслаўе пасля Дня пісьменства: наступствы аўралу
5- 11.10.2014, 12:22
- 18,021
Ужо праз паўмесяца ў горадзе пачалі выяўляцца наступствы аўралу.
6-7 верасня ў Заслаўі адсвяткавалі Дзень беларускага пісьменства. Да фестывалю горад рыхтаваўся цягам вясны і лета. І, як водзіцца ў Беларусі ў такіх выпадках, не абышлося без аўралу, піша «Салiдарнасць».
На першы погляд у Заслаўі наступствы спешнага рамонту не так відавочныя, як у адной з былых сталіц «Дажынак» Горках. Але і маштабы рамонту тут былі значна больш сціплыя. І, тым не менш, у Заслаўі таксама ёсць над чым задумацца. Прывядзём некалькі прыкладаў.
На скрыжаванні вуліц Якуба Коласа і Савецкай вакол каналізацыйных калодзежаў прасела зямля
Вуліца Якуба Коласа. Папулярная ў мясцовых жыхароў дарожка пагражае непрыемнасцямі ў цемры.
Новыя святлафоры на скрыжаванні Савецкай і Студэнцкая выключылі адразу ж пасля свята.
Новы прыпынак на Савецкай дагэтуль не завершаны. Або земляны дол - гэта арыгінальная задума аўтара праекта? На заднім плане бачныя прыступкі, якія вядуць да жылых дамоў. Іх так і не абсталявалі пандусамі
Дарожка з новай пліткі насупраць сярэдняй школы №1
Пляцоўку насупраць універсама «Родны кут» на Савецкай рамантавалі ўсё лета. Ці то пліткі не хапіла, ці то часу, ці то фрагмент аўтэнтычнага пакрыцця нашчадкам вырашылі пакінуць.
Дарожка ў 2-м мікрараёне так і не дачакалася рамонту - ні да святаў, ні пасля іх. Яна вядзе ў дзіцячы садок, школу і дзіцячую кансультацыю.
