Forbes: Новы Сэнат ЗША можа выдаць Украіне зброю

ЗША змогуць выдаць Украіне зброю, калі ў выніку прамежкавых выбараў большасць у Сэнаце атрымае Рэспубліканская партыя.

Аналітык Пол Грэгары адзначыў, што за просьбу аб вайсковай дапамозе прэзідэнт ЗША Барак Абама выправіў свайго ўкраінскага калегу Пятра Парашэнку "за дзверы з зычаннямі добрага дня", піша Цензор.нет са спасылкай на Forbes. "Спадзяюся, не праз чорны выхад", - напісаў Грэгары.

Цяпер у Кангрэсе знаходзяцца на разглядзе два законапраекты, якія прадугледжваюць выдачу Украіне зброі: HR 5190 і S.2828. "Украіна атрымае дапамогу, толькі пры ціску на Абаму з боку кангрэсмэнаў. Падтрымка іх толькі расце", - мяркуе экспэрт.

Рост падтрымкі з боку дэмакратаў Кангрэса ў разам з ужо даволі магутнай падтрымкай з боку рэспубліканцаў сур'ёзна цісне на Абаму, прымушаючы яго даць сваю згоду на наданне вайсковай дапамогі Украіне, але ўсе разумеюць, што Абама будзе супраціўляцца. Украіна зможа атрымаць рэальную вайсковую дапамогу толькі ў тым выпадку, калі на гэтым будзе намагаць Кангрэс.

Павелічэнне разрыву паміж адміністрацыяй і Кангрэсам ва ўкраінскім пытанні ператварылі прамежкавыя выбары ў свайго роду рэферэндум аб пытанні амерыканскай палітыкі ў дачыненні да Украіны і агрэсіі Пуціна. Калі дэмакраты захаваюць большасць месцаў у Сэнаце, Гары Рыд прадоўжыць блакаваць усе законапраекты, супраць якіх выступае адміністрацыя. Калі дэмакраты далей будуць кантраляваць Сэнат, законапраекты HR 5190 і S.2828 не будуць прынятыя.

У адрозненне ад прэзідэнта чальцы Кангрэсу зразумелі сэнс і адчулі сорам, калі ў сваёй прамове, звернутай да іх, Парашэнка сказаў: "Немагчыма перамагчы ў вайне толькі з дапамогай коўдраў". Кангрэс яшчэ можа распачаць некаторыя крокі. Парашэнка зразумеў, што гэта з'яўляецца адзіным шанцам Украіны. Ён падзякаваў Кангрэсу за падтрымку Украіны, пры гэтым ні словам не згадаўшы амерыканскага прэзідэнта.

Нагадаем, 19 верасня прэзідэнт Абама адмовіў выдаць Украіне статус адмысловага хаўрусніка па-за NATO.