Каманды Беларусі і Славакіі правядуць матч на «Барысаў-Арэне»

Сёння ў групе С сустрэнуцца парушальнікі спакою і галоўны няўдаліца першых двух тураў.

Каманда Беларусі на сваім полі прымае Славакію, піша «Прессбол».

Пачатак матчу - 21:45, жывую трансляцыю будзе весці тэлеканал «Беларусь 2».

Сенсацыйная нічыя з люксембуржцамі загнала каманду Беларусі ў кут на самым старце адбору ЧЕ-2016. Канчатковы адказ пра перспектывы нашай нацыянальнай каманды ў гэтым цыкле можа даць ужо нядзельная сустрэча са славакамі, якія падолелі, да слова, на гэтым тыдні гішпанцаў. Перад вузлавым матчам галоўны трэнер каманды Беларусі Георгій Кандрацьеў распавёў, ці выйдуць на поле Брэсан і Януш, выказаў упэўненасць, што перамога над украінцамі была магчымая, а таксама абвясціў, як паступіць у выпадку паразы ад каманды Славакіі.

- Які псіхалагічны фон у камандзе пасля паразы ад украінцаў?

- Вядома, у эмацыйным плане не ўсё добра. Такія крыўдныя паразы адмоўна ўплываюць на гульцоў. Аднак у нас ёсць яшчэ шмат часу. Думаю, мы справімся, падрыхтуем хлопцаў. Бо адступаць нам ужо няма куды. Тым больш, якой бы крыўднай не была параза, яе трэба як мага хутчэй забываць і рухацца далей.

- Ці згодныя, што гульня са Славакіяй - апошні шанец каманды Беларусі пазмагацца за выхад на чэмпіянат Еўропы?

- Так. Гэтая гульня вызначыць многае. Калі мы пераможам, шанцы ў нас застаюцца. Калі нават падзелім балы, шанцы будуць імкнуцца да нуля.

- Што ведаеце аб камандзе Славакіі? Можаце кагосьці вылучыць?

У славакаў вельмі арганізаваная, мабільная, збалансаваная ва ўсіх лініях каманда. Не сказаў бы, што ў спаборніка ёсць гульцы, якія вылучаюцца значна. Так, ёсць Гамшык, Шкртэл. Але і астатнія хлопцы вельмі высокага ўзроўню. Таму паважліва трэба паставіцца да ўсёй каманды.

- Пасля нічыёй з Люксембургам вы сказалі, што кастрычніцкія матчы вызначаць вашую далейшую кар'еру ў камандзе. Як паступіце ў выпадку паразы ад Славакіі?

- Мне б не хацелася думаць пра паразу. Я думаю пра перамогу. Тыя, хто са мной знаёмы, ведае, што я за свае словы адказваю. І я адкажу.

Славакія ў дэбюце адбору набрала 6 балаў. Перш за ўсё дзякуючы балансу паміж атакай і абаронай. Абаронай загадвае дасведчаны Шкртэл, а наперадзе «мозг» каманды Марэк Хамшык ды іншыя могуць стварыць праблемы кожнаму спаборніку.

У поспех гасцей вераць і букмекеры - каэфіцыент на перамогу славакаў - 2.19. Нічыя ацэненая ў 3.21, прыкладна такі ж каэфіцыент - 3.3 - і на перамогу беларусаў.