На набярэжнай у Магілёве ствараюць арт-сходы

Арт-сходы ствараюць у Магілёве ў раёне ракі Дубравенкі.

Новы праект Цэнтра гарадскіх ініцыятыў рэалізуецца ў абласным цэнтры пры падтрымцы адміністрацыі Ленінскага раёна і бізнэсу, паведаміў БелТА кіраўнік цэнтра Юрый Стукалаў.

Хмурная бетонная лесвіца, па якой магілёўцы ўжо шмат гадоў спускаюцца да набярэжнай, дзякуючы ўяўленню і ўменню сябра Саюза мастакоў Беларусі магіляўчанкі Аксаны Еўдакіменкі ператвараецца ў маляўнічы аб'ект. Цягам тыдня майстар разам з валанцёрамі, выкарыстоўваючы фарбы і пэндзлікі, увасабляла незвычайную ідэю ў жыццё. На 95 прыступках ўжо з'явіліся залатыя рыбкі, што плаваюць у водных прасторах, і крылы птушак ў блакітным небе. Але ўбачыць іх можна не з любога ракурсу, а толькі гледзячы на лесвіцу знізу ўверх.

Цягам некалькіх дзён праца будзе завершаная, распавёў Юры Стукалаў. «Нам не ўдалося знайсці інфармацыю пра падобныя праекты ў Беларусі, хоць у многіх краінах свету такіх сходаў нямала. - Таму ў магілёўскіх арт-сходаў ёсць усе падставы прэтэндаваць на ўнікальнасць у маштабах краіны, - падкрэсліў ён. - Аб'ект стане новым крокам у развіцці гарадскога стрыт-арта і ўпрыгожыць адно з самых маляўнічых месцаў адпачынку і шпацыроў».

Варта адзначыць, што ў Магілёве ўжо рэалізаваны два вулічных арт-праекта, прапанаваныя Цэнтрам гарадскіх ініцыятыў. «Стрыт-арт дворык» і «Палатно гісторыі», размешчаныя на вуліцы Ціміразеўскай, з ухвалой успрымаюцца магілёўцамі і гасцямі горада.