Жыхар Татарстана з гранатай патрабаваў вярнуць з Турцыі маму
- 13.10.2014, 9:41
- 4,425
Паліцыя горада Набярэжныя Чалны затрымала мясцовага жыхара.
Ён, трымаючы ў руках падобны на гранату прадмет, патрабаваў прывезці яму маму з Турцыі. Пра гэта ў нядзелю, 12 кастрычніка, паведаміла прэс-служба МУС Рэспублікі Татарстан, піша Lenta.ru.
Інцыдэнт адбыўся ў ноч на нядзелю. А 3:00 у дзяжурную частку гарадскога УМВД паступіла ананімнае паведамленне пра тое, што на балконе жылога дома знаходзіцца мужчына з гранатай у руцэ.
Экіпаж паліцыі, які прыбыў на месца высветліў, што пасля распівання спіртных напояў мужчына пасварыўся з сужыцелькай, дастаў прадмет падобны на гранату і закрыўся на балконе. 49-гадовы дэбашыр патрабаваў прывезці да яго маму, якая цяпер знаходзіцца на адпачынку ў Турцыі.
Супрацоўнікі паліцыі правялі эвакуацыю жыхароў пад'езда. Падчас перамоў мужчына здаўся і добраахвотна выдаў дзве ручныя гранаты. У кватэры іншых выбуховых рэчываў выяўлена не было. Канфіскаваныя гранаты накіраваныя на экспертызу. Паліцыя не выключае, што яны апынуцца муляжамі.
Паводле гэтага факту будзе прынятае працэсуальная пастанова, вядзецца следства. Падазраваны затрыманы.