На мяжы Літвы ў беларуса канфіскавалі новы Range Rover

Памежнікі Медзінінкайскага КПП затрымалі пазадарожнік Range Rover 2014 выпуску, якім кіраваў грамадзянін Беларусі.

Высветлілася, што аўтамабіль месяц таму быў скрадзены ў Аўстрыі, піша ru.DELFI.lt.

Інцыдэнт адбыўся 11 кастрычніка. Памежнікі праверылі дакументы ў заязджаўшага ў Літву на Range Rover з беларускімі нумарамі 29-гадовага грамадзяніна Беларусі. Высветлілася, што аўтамабіль быў абвешчаны ў вышук 12 верасня ў Аўстрыі.

Распачатае расследаванне паводле факта набыцця маёмасці, атрыманага незаконным шляхам, або яго рэалізацыі. За гэта пагражае абмежаванне волі, арышт або пазбаўленне волі на тэрмін да 2 гадоў.

Беларуса пасля апытання адпусцілі. Ён вярнуўся на радзіму. Range Rover застаўся ў Вільні.