Жанчыны выявіліся больш пераборлівымі ў мастацтве

Мужчыны і жанчыны ўспрымаюць творы мастацтва па-рознаму.

Моцны пол звяртае больш увагі на біяграфію і рэпутацыю мастака, а слабы - на характарыстыкі самой карціны. Вынікі новага даследавання пададзеныя ў часопісе Psychology & Marketing, а коратка пра яго паведамляецца ў прэс-рэлізе Ўніверсітэта штата Мічыган, піша Lenta.ru.

Псіхолаг Стэфані Мэнгус (Stephanie Mangus) паказала 518 добраахвотнікам абодвух родаў невядомую ім карціну разам з дзвюма выдуманымі і зусім рознымі біяграфіямі яе «аўтара». Частка ўдзельнікаў чытала тэкст, дзе мастака апісвалі як сапраўднага самародка, які стварае ўнікальныя творы. У другім тэксце аўтара карціны называлі аматарам, які толькі кагадзе ўзяўся за пэндзаль.

У першым выпадку карціну ацэньвалі значна вышэй: удзельнікі даследаванні былі гатовыя купіць яе вялікім коштам. Пры гэтым галоўным чыннікам у ацэнцы мастацтва для мужчын выявілася менавіта рэпутацыя мастака. Жанчыны больш увагі надалі развагам аб характарыстыках самой карціны. «Гэта стасуецца з даўняй высновай псіхолагаў, што для мужчын важнейшыя ўжо вядомыя ім факты. Яны думаюць так: «Гэта вялікі мастак, таму я куплю ягоную карціну». Жанчынам было не шкада выдаткаваць час, каб разабрацца ў мастацтве», - адзначае Мэнгус.