Vertu выпусціла смартфон за $15 тысяч
8- 14.10.2014, 9:48
- 11,192
Кошт смартфона Vertu for Bentley складзе блізу 15 тысяч даляраў.
Пра гэта гаворыцца ў паведамленні кампаніі. Новы апарат паставіў коштавы рэкорд для пачатковага кошту прылад гэтага распрацоўніка, піша Lenta.ru.
Смартфон распрацаваны сумесна з ангельскім вытворцам аўтамабіляў Bentley. Ад папярэдніх смартфонаў Vertu новую мадэль адрознівае дызайн і дадатковае прыкладанне Bentley, якое ўтрымлівае навіны, рэкамендаваныя маршруты, інфармацыю аб дылерах, а таксама выводзіць на працоўны экран ярлык праграмы Touch Screen Remote для аддаленага кіравання мультымедыйнай сістэмай аўтамабіля Bentley Flying Spur.
Корпус смартфона выкананы з тытана, а экран пакрыты сапфіравым шклом, што трываласцю блізкае да алмазу. Акрамя змены знешняй формы, у дызайне дадаўся лагатып аўтамабільнай кампаніі. У камплект уваходзіць чахол з цялячай скуры рудога адцення.