Бульбу і цыбулю з Беларусі не пусцілі ў Калінінград

Рассельгаснагляд не пусціў у Калінінградскую вобласць буйныя партыі цыбулі і бульбы з Беларусі.

Пра гэта сайту charter97.org паведамілі ў прэс-службе тэрытарыяльнага кіравання ведамства.

«Спецыялісты Упраўлення Рассельгаснагляду Калінінградскай вобласці падчас правядзення фітасанітарнага кантролю на ФКП МАПП «Чарнышэўскага» выявілі парушэнне патрабаванняў пры ўвозе партыі цыбулі рэпчатай ў колькасці 20 тон з Беларусі, паходжаннем Беларусь. Устаноўлена, што на частцы упаковак грузу адсутнічае маркіроўка з інфармацыяй аб назве прадукцыі, краіне яе паходжання і экспарцёры», - гаворыцца ў паведамленні.

Гэтак жа выяўлены парушэнні ў афармленні фітасанітарнага сертыфіката пры ўвозе партыі бульбы харчовай з Беларусі вагой 20 тон.

У сувязі з выяўленнем істотных парушэнняў патрабаванняў заканадаўства ў сферы каранціну раслін Упраўленнем Рассельгаснагляду Калінінградскай вобласці прынятая пастанова аб вяртанні грузаў экспарцёрам.

Нагадаем, Расея з 7 жніўня на год абмежавала імпарт шэрагу тавараў з краін, якія ўвялі супраць яе санкцыі, - ЗША, дзяржаў ЕЗ, Канады, Аўстраліі і Нарвегіі. У санкцыйны спіс трапілі ялавічына, свініна, рыба, садавіна, гародніна, птушка, сыры і малочная прадукцыя, арэхі і іншыя прадукты.

Рассельгаснагляд раней заяўляў, што садавінагародніная прадукцыя з краін ЕЗ, у дачыненні да якіх Расея ўвяла эмбарга, прасочваецца на расейскі рынак праз Беларусь.