Праз беларускія банкі адмылі $100 мільёнаў

Грашовыя сродкі з Расеі пераводзіліся на разліковыя рахункі афшорных кампаній у ЕЗ.

Пра гэта сайту charter97.org паведамілі ў прэс-службе Дэпартамента фінансавых расследаванняў Камітэта дзяржкантролю Беларусі.

Злачынцы змаглі прагнаць транзітам праз нашу краіну 70,5 млн еўра і блізу 10 млн даляраў. ДФР ў апошні момант змог заблакаваць толькі 2 млн еўра пры тым, што толькі шкода ад нявыплаты падаткаў у праведзеных угодах ацэньваецца ў 250 млрд беларускіх рублёў.

Зламыснікі выкарысталі так званую «люстраную» схему. У беларускім банку былі адкрытыя разліковыя рахункі шасці кампаній-нерэзідэнтаў Рэспублікі Беларусь, і адначасова на тэрыторыі нашай краіны зарэгістраваныя шэсць таварыстваў з абмежаванай адказнасцю, назвы якіх супадалі з найменнямі названых замежных кампаній.

За час дзеяння афёры на разліковыя рахункі замежных кампаній ад суб'ектаў гаспадарання Расейскай Федэрацыі паступіла больш за 70 млн еўра і блізу 10 млн даляраў ЗША, якія ў далейшым пералічваліся на разліковыя рахункі афшорных кампаній, адкрытыя ў банках еўрапейскіх краін. Падставамі для пералічэння названых грашовых сродкаў паслужылі дакументы, аформленыя ад імя і з указаннем рэквізітаў (за выключэннем разліковых рахункаў) аднайменных беларускіх суб'ектаў.

Такім чынам, паводле дакументаў плацяжы ажыццяўляліся расейскімі арганізацыямі на карысць беларускіх суб'ектаў у кошт аплаты за пастаўленыя таварна-матэрыяльныя каштоўнасці, а фактычна паступалі на рахункі замежных кампаній ў беларускім банку.

Прымаючы пад увагу, што грашовыя сродкі ад угодаў з беларускімі суб'ектамі гаспадарання без залічэння на разліковы рахунак былі залічаныя на разліковыя рахункі аднайменных замежных кампаній і адразу ж пераведзеныя на рахункі арганізацый-нерэзідэнтаў, адкрытыя ў банкаўскіх установах еўрапейскіх краін, бюджэту Рэспублікі Беларусь нанесеная шкода ў выглядзе невыканання падатковых абавязанняў у суме больш за 250 млрд рублёў.

У сувязі з выяўленнем фактаў учынення фінансавых аперацый з парушэннем дзеючага заканадаўства аперацыі ў разліковых рахунках кампаній-нерэзідэнтаў Рэспублікі Беларусь прыпыненыя. На гэтых рахунках заблакаваная больш за 2 млн еўра (блізу 27 млрд рублёў), якія паступяць у даход дзяржавы.

Паводле гэтых фактаў органамі фінансавых расследаванняў паводле часткі 2 артыкула 234 (ілжэпрадпрымальніцтва) Крымінальнага кодэкса Рэспублікі Беларусь цяпер распачатыя 3 крымінальныя справы. Са зборам довадаў, у тым ліку паступленне інфармацыі ад кампетэнтных органаў замежных дзяржаў, органамі фінансавых расследаванняў паводле вышэйвыкладзеных фактаў і пры наяўнасці дастатковых падстаў будзе прымацца пастанова аб распачынанні іншых крымінальных спраў.

Цяпер па вышэйпаказаным крымінальным справам органамі фінансавых расследаванняў вядуцца неадкладныя следчыя і іншыя працэсуальныя дзеянні.