Вярхоўная Рада збярэцца для змены заканадаўства аб выбарах

Парламент Украіны 20 кастрычніка правядзе пазачарговае пасяджэнне за шэсць дзён да пазачарговых парламенцкіх выбараў.

Вярхоўная Рада збярэцца для змены заканадаўства аб выбарах

У панядзелак, 20 кастрычніка адбудзецца пленарнае пасяджэнне Вярхоўнай Рады. Паседжанне прызначанае на 10:00. Пра гэта паведамляе прэс-служба парламента.

На пасяджэнні плануецца разгледзець праект закона «Аб унясенні змяненняў у некаторыя законы Украіны што да забеспячэння належнай арганізацыі выбарчага працэсу выбараў народных дэпутатаў Украіны» (5157Д), а таксама праект закона Украіны «Аб унясенні змены ў закон Украіны «Аб выбарах народных дэпутатаў Украіны» адносна забеспячэння рэалізацыі канстытуцыйных выбарчых правоў удзельнікаў антытэрарыстычнай аперацыі на пазачарговых выбарах народных дэпутатаў Украіны 26 кастрычніка 2014» (5157-1Д).

Парламент праводзіў пасяджэнне апошні раз 14 кастрычніка і дэпутаты паспелі зацвердзіць кандыдатуру новага міністра абароны, прагаласаваць за стварэнне антыкарупцыйнага бюро і некалькі законаў, прызначаных перамагчы карупцыю.

Аднак, спікеру Аляксандру Турчынаву прыйшлося датэрмінова закрыць пасяджэнне, пасля таго як ля будынку парламента адбыліся правакацыі, перарослыя ў сутычкі з міліцыяй.

Пасяджэнне ў панядзелак будзе, хутчэй за ўсё, заключным для дэпутатаў VII склікання, так як ужо 26 кастрычніка адбудуцца датэрміновыя парламенцкія выбары.