Нацбанк Беларусі купляе банк «Масква-Менск»

Нацыянальны банк Беларусі купляе даччыны банк ААТ «Банк Масквы».

Пра гэта сёння журналістам паведаміла старшыня праўлення Нацбанка Надзея Ермакова, паведамляе БелТА.

Чакаецца, што ўгода адбудзецца бліжэйшым часам. «Чакаем прыняцця афіцыйнага дакумента таго боку. З нашага боку ўсе пастановы прынятыя», - сказала кіраўніца Нацбанка.

Пры гэтым аб'ядноўваць банк «Масква-Менск» з Белінвестбанкам не плануецца. Са слоў Надзеі Ермаковай, абодва банкі будуць развівацца самастойна.