Пентагон: ЗША павінны быць гатовыя абараніць Еўропу ад Расеі
14- 19.10.2014, 8:05
- 13,765
Пры распрацоўцы стратэгіі ў Еўропе ЗША павінны ўлічваць небяспеку з боку Расеі.
Пра гэта заявіў прэс-сакратар Пэнтагону Джон Кірбі, піша УНІАН.
"Стратэгічнае асяроддзе вельмі дынамічнае і хісткае цяпер. І гэтая няўпэўненасць спароджаная тым, што Уладзімір Пуцін робіць у межах і за межамі тэрыторыяй Украіны. Гэта было б неабдумана для нас не думаць пра пэўныя магчымасці падрыхтоўкі, якія нам патрэбныя ў Еўропе. Таму што мы маем надзвычайныя абавязанні перад нашымі партнёрамі, прадугледжаныя ў пагадненні NATO", - сказаў Джон Кірбі.
Пры гэтым ён падкрэсліў, што гэта не пагроза Расеі, як у Маскве тлумачаць заявы Пентагона. Са слоў Джона Кірбі, ЗША проста павінны быць гатовыя да выклікаў, якія стаяць перад імі.
Напярэдадні міністр абароны ЗША Чак Хейгэл назваў палітыку Расеі рэвізіянісцкай, і што расейскае войска стаіць на парозе NATO. У расейскім міністэрстве абароны гэтую заяву ўспрынялі як пагрозу.