Арцём Дзямкоў стаў гульцом ХК «Дынама-Мінск»

Нападнік Арцём Дзямкоў прыняў прапанову ХК «Дынама-Мінск».

Пагадненне разлічанае да канца сезона. У сезоне - 2009/10 Арцём Дзямкоў ужо абараняў колеры «бела-сініх», у 16 матчах адзначыўшыся адной выніковай перадачай пры каэфіцыенце карыснасці «-1», нагадвае сайт клуба.

Цяперашні сезон 25-гадовы форвард пачынаў у складзе пачаткоўца Лігі ХК «Сочы», за які правёў 11 матчаў пры каэфіцыенце карыснасці "-4" і бамбардзірскімі баламі не вызначыўся.