Андрэй Іларыёнаў: Пасля вайны РФ страціць Смаленск і Бранск

Паражэнне ў вайне, развязанай Пуціным, абернецца тэрытарыяльнымі стратамі для Расеі.

На яе могуць ускласці шэраг абавязанняў ў вяртанні гістарычных тэрыторый суседніх дзяржаў. Пра гэта піша ў сваім блогу былы дарадца Уладзіміра Пуціна эканаміст Андрэй Іларыёнаў.

«У выпадку развязвання маштабнага вайсковага канфлікту супраць значнай часткі сучаснага свету цяперашняя Расея хутчэй за ўсё будзе мець справу з кааліцыяй дзяржаў, сукупная вайсковая, эканамічная, дэмаграфічная моц якіх пераўзыходзіць расейскія паказчыкі, як мінімум, у 16-18 разоў. Вынік такога супрацьстаяння прадказальны. Расея будзе разгромленая, яе эканамічны, жыллёвы, інфраструктурны патэнцыялы будуць разбураныя. На велізарных тэрыторыях будзе спыненае электра-, вода-і газазабеспячэнне. Паўстане пагроза голаду і масавых эпідэмій. Пры такіх жа суадносінах страт, якія былі прадэманстраваны ў папярэдніх сусветных войнах, колькасць ахвяр новага вайсковага канфлікту можа скласці дзесяткі мільёнаў чалавек. Значная частка Расеі можа быць акупаваная войскамі замежных дзяржаў, якія ўсталююць акупацыйны рэжым», - мяркуе Андрэй Іларыёнаў.

Расея, з ягоных слоў, можа пазбавіцца тых тэрыторый, па якіх перыядычна ўзнікаюць пэўныя прэтэнзіі.

«Пыталаўскі раёна Пскоўскай вобласці пяройдзе Латвіі, Кінгісепскі раён Ленінградскай вобласці - Эстоніі, поўнач Карэльскага пярэсмыка, Прыладожская Карэлія, Печанге - Фінляндыі, Смаленская і Бранская вобласць - Беларусі, Варонежская і Растоўская вобласці, а таксама Краснадарскі край - Украіне, значныя тэрыторыі Заходняй Сібіры - Казахстану, не менш 1,5 млн квадратных кіламетраў Сібіры і Далёкага Усходу - Кітаю, Курыльскія выспы і Сахалін - Японіі », - піша ён.

Андрэй Іларыёнаў не выключае, што газавыя і нафтавыя радовішча, банкаўская сістэма і магістральныя трубаправоды могуць перайсці пад міжнародны кантроль.

«Калі расейцы пагодзяцца аддаць Украіне Крым? У выпадку прамой агрэсіі супраць значнай часткі сучаснага свету з боку РФ, краіна будзе разгромленая, яе патэнцыял будзе цалкам разбураны, а на велізарных тэрыторыях паўстане пагроза голаду і эпідэмій.

Абсалютная большасць тых, хто выжыў ва ўмовах страшнага вайсковага канфлікту расейскіх грамадзян шчыра падтрымае намер часовага ўрада (вар.: неадкладна і жорстка запатрабуе ад яго) неадкладна і безумоўна перадаць Крымскую паўвыспу яе ўласніку - брацкай Украіне, аднаўленне нармальных дыпламатычных, эканамічных, чалавечых стасункаў з якой стане тады першачарговай задачай, расейскага грамадства, якое будзе адраджаецца пасля жахлівай катастрофы. Нашмат прасцей для Расеі добраахвотна вярнуць Крым да пачатку рэалізацыі страшнага сцэнару», - заключае ён.