Менская ДАІ да 5 лістапада будзе «адпрацоўваць» пешаходаў

У сталіцы праходзіць прафілактычная акцыя ў мінімізацыі правапарушэнняў у сферы пешаходнага руху.

Асаблівую ўвагу супрацоўнікі Дзяржаўтаінспекцыі звяртаюць на выяўленне і спыненне парушэнняў Правілаў дарожнага руху пешаходамі, піша «Інтэрфакс».

Акрамя таго, у рамках акцыі інспектары ДАІ вядуць маніторынг тэхнічнага стану падземных і надземных пешаходных пераходаў, працы вулічнага асвятлення. На падставе інжынернага аналізу будуць вызначаны ўчасткі вулічна-дарожнай сеткі, на якіх зарэгістраваная найбольшая колькасць ДТЗ з удзелам пешаходаў. Аналіз прычын падобных інцыдэнтаў дазволіць распрацаваць неабходныя меры ва ўдасканаленні арганізацыі дарожнага руху.

І яшчэ. У сувязі з памяншэннем светлавога дня супрацоўнікі ДАІ кантралююць выкарыстанне пешымі ўдзельнікамі дарожнага руху святлоадбівальных элементаў - флікераў - у цёмны час дня.

Паводле звестак сталічнай ДАІ, за 9 месяцаў 2014 на тэрыторыі Менска зарэгістраваная зніжэнне колькасці дарожна-транспартных здарэнняў з пацярпелымі - на 9,7% у параўнанні з аналагічным перыядам 2013 года. Праз віну пешаходаў адбылася 78 ДТЗ, пры якіх загінула 12 чалавек, паранена - 69 чалавек. Праз віну нецвярозых пешаходаў адбылося 28 ДТЗ, у выніку чаго 23 чалавекі параненыя, 5 - загінула.

Наезды на пешаходаў за студзень-верасень склалі 48% ад агульнай колькасці дарожна-транспартных здарэнняў, у выніку загінула 70% ад ліку загінулых пры ДТЗ, 43% - паранена.