У Рагачоўскім раёне цягнік збіў 19-гадовага хлопца

Ён ішоў у навушніках уздоўж шляхоў.

Увечары 2 траўня цягнік да смерці збіў 19-гадовага жыхара Рагачова, паведаміў неафіцыйны тэлеграм-канал МУС.

Малады чалавек ішоў уздоўж чыгуначных шляхоў у навушніках і не пачуў шум блізкага цягніка.

Машыніст ужыў экстраннае тармажэнне, але сутыкнення ўнікнуць не атрымалася. Пацярпелага адкінула на некалькі метраў. Ягонае цела знойдзенае ў пойме ракі.

Паводле факту гібелі жыхара Рагачова праводзіцца праверка.