Украіну і Расею развядуць па розных групах на ЧС-2018

Зборныя Расеі і Украіны будуць разведзеныя па розных групах на ЧС-2018, калі Украіна выйдзе ў фінальную частку турніру.

Пра гэта заявіў прэзідэнт ФІФА Ёзэф Блатэр, піша by.tribuna.com.

«Можаце быць у гэтым упэўненыя», - сказаў Блатэр.

Адзначым, што ФІФА, як правіла, разводзіць краіны па розных групах падчас лёсаванняў ў выпадку напружаных палітычных стасункаў паміж дзяржавамі. Так, напрыклад, па розных групах звычайна разносяцца каманды Арменіі і Азербайджана.