Мінфін з трэцяй спробы павялічыў дзярждоўг на 139 мільярдаў

Міністэрства фінансаў размясціла дзяржаўныя доўгатэрміновыя аблігацыі 274 выпуску.

Даразмяшчэнне 276 выпуску ДДА не адбылося, піша АФН.

Такім чынам Мінфін павялічыў дзяржаўны доўг на 138,8 млрд. рублёў. На ўжо трэцім па ліку аўкцыёне ў размяшчэнні ДДА 274, які адбыўся сёння, былі заключаныя дзве здзелкі. Нагадаем, першая няўдалая спроба прадаць аблігацыі названага выпуску адбылася 9 верасня. Прызначаны на 16 верасні паўторны аўкцыён у продажы гэтых папер таксама быў прызнаны несапраўдным з прычыны адсутнасці інвестараў.

Затым Нацбанк змяніў алгарытм разліку сумы абавязковых рэзерваў з прывязкай да куплі дзяржаблігацый, і справы ў Мінфіна наладзіліся.

Аб'ём эмісіі 274 выпуску складае 500 млрд. рублёў. Стаўка купоннага даходу - стаўка рэфінансавання Нацбанка (20%) + 1%. Тэрмін звароту - 538 дзён.

Аўкцыён у размяшчэнні 276 выпуску з тэрмінам звароту 372 дня быў праведзены 19 кастрычніка. Паводле ягоных вынікаў былі прададзеныя паперы на суму 465 млрд. рублёў пры заяўленым аб'ёме ў 500 млрд. рублёў. Даходнасць устаноўлена на ўзроўні стаўкі рэфінансавання Нацбанка (20%).

Сёння Мінфін планаваў прадаць неразмешчаную рэшту на 35 млрд. рублёў, але пакуль не знайшоў жадаючых.