Група менчукоў дапамагала прадпрымальнікам «выбіваць» даўгі

Супрацоўнікамі аддзела крымінальнага вышуку Партызанскага РУУС сталіцы затрыманыя трое менчукоў

Іх падазраюць у «прымусе да выканання абавязацельстваў». Кажучы прасцей, хлопцы дапамагалі грамадзянам выбіваць даўгі з даўжнікоў. У міліцыі не выключаюць, што падобных эпізодаў можа быць некалькі.

- У кастрычніку 2013 25-гадовы мянчук разам з прыяцелем вырашыў арганізаваць бізнес у продажы кніжнай прадукцыі, - распавяла Onliner.by прэс-афіцэр Партызанскага РУУС Наталля Ганусевіч. - Свайму напарніку ён даў каля $4 тысяч і разлічваў атрымліваць працэнты ад продажаў. Кнігі былі закупленыя, але бізнес не пайшоў, прадаваліся яны дрэнна. Малады чалавек папрасіў партнёра вярнуць грошы. Але зрабіць гэта не атрымалася, бо сродкі былі ўкладзеныя ў тавар. Хлопец вырашыў пайсці іншым шляхам. Ад знаёмых даведаўся, што ёсць людзі, якія дапамагаюць за плату вярнуць даўгі. Знайшоў іх, распавёў аб сваёй праблеме. Пра метады, пры дапамозе якіх «працуюць» гэтыя таварышы, заказчык, паводле ягоных слоў, не падазраваў.

Метады выявіліся спецыфічнымі. Увечары на партнёра інвестара напалі трое мужчын. Ужылі сілу, пагражалі нажом, патрабавалі вярнуць грошы. Ахвяра звярнулася ў міліцыю.

- Супрацоўнікі аддзела крымінальнага вышуку Партызанскага РУУС выявілі асобы зламыснікаў, - прадаўжае Наталля Ганусевіч. - Імі выявіліся трое міенчукоў ва ўзросце ад 18 да 21 года. Да крымінальнай адказнасці ні адзін з затрыманых раней не прыцягваўся. Распачатая крымінальная справа за прымус да выканання абавязацельстваў. Усім тром пагражае да 10 гадоў пазбаўлення волі.

У міліцыі мяркуюць, што тройца ўжо магла займацца падобным «бізнесам» - дапамагаць грамадзянам выбіваць з даўжнікоў грошы.