Менскае «Дынама» саступіла фінскаму «Ёкерыта»
1- 3.10.2014, 21:50
- 5,433
Трэцюю паразу запар пацярпела менскае "Дынама" ў чэмпіянаце Кантынентальнай хакейнай лігі.
3 кастрычніка на сваёй пляцоўцы каманда Любаміра Покавіча саступіла фінскаму "Ёкерыта" - 2:3 (1:3, 1:0, 0:0). На матчы прысутнічала 15.003 гледача (рэкорд сезона), піша БелаПАН.
Шайбы закінулі:
у гаспадароў - Нік Бэйл (5.27, пас - Джонатан Чычу), Раян Веске (29.33, у большасці, Шарль Лінгле);
у гасцей - Ніка Капанен (4.41, Ніклас Хагман; 15.19, асістэнты - Юхамаці Аалтанэн, Віле Лаюнен), Сямір Бэн-Амор (8.48, у меншасці).
Склад "Дынама": Мільчакоў (Хаўген, 20.00); Лісавец - Крайчак, Калюжны - Шчахура - Чычу; Нагачоў - Бэйл, Лінгле - Веске - Элісан; Філічкін - Шынкевіч, Мялешка - Кітараў - Кулакоў; Гаўрус - Дрозд - Развадоўскі; Паўловіч.
Штрафны час: 8 - 10 (Лінгле, 5.48, 41.12 (4 хв), Нагачоў, 36.39 - Тод, 2.21, 28.26, Хухтала, 7.33, Каўкал, 12.17, Капанен, 33.57).
Упершыню "Дынама" сустрэлася з "Ёкерыта" 4 верасня ў Хельсінкі, у стартавым матчы чэмпіянату КХЛ. Менскі клуб перамог у овэртайме - 5:4.
Пасля 12 гульняў "Дынама" з 18 баламі займае сёмае месца ў Заходняй канферэнцыі, атрымаўшы 4 перамогі ў асноўны час, 2 - у овэртайме і пацярпеўшы 4 паразы ў асноўны час і 2 праз буліты (розніца шайбаў 30-31).
Бамбардзіры паводле сістэмы "гол + пас": Чычу - 17 (6+11), Лінгле - 11 (4+7), Элісан - 9 (4+5), Веске - 8 (3+5), Шчахура - 7 (4+3), Бэйл - 7 (3+4), Калюжны - 5 (0 +5), Мялешка - 4 (3+1), Гаўрус - 3 (3+0), Кулакоў - 3 (0+3), Мільчакоў , Шынкевіч - па 1 (0+1).
Наступны матч "Дынама" правядзе 6 кастрычніка на выездзе супраць рыжскіх дынамаўцаў, а 10 і 14 кастрычніка прыме адпаведна браціслаўскі "Слован" і мыцішчынскі "Атлант".