Жыхар Кобрына вёз з Украіны тону кантрабанднага сала

Кантрабандыст перавозіў 34 мяшкі з салам агульнай вагой больш за 1 тону на асабістым аўтамабілі.

30 кастрычніка брэсцкія памежнікі ў супрацоўніцтве з міліцыяй і падаткавікамі затрымалі кобрынца, так як перад гэтым атрымалі аператыўную інфармацыю. Дакументаў, якія пацвярджаюць легальнасць набыцця сала, кіроўца паказаць не змог. Паводле ягоных слоў, незнаёмыя людзі папрасілі яго перавезці тавар у Кобрын, піша БелТА.

Папярэдні кошт партыі склала 63 млн руб. Падаткавікі канфіскавалі сала. Вядзецца разбіральніцтва.

Праваахоўнікі мяркуюць, што партыя сала была ўвезеная з тэрыторыі Украіны для далейшага продажу ў Беларусі.