Курс даляра зноў падняўся вышэй за 40 расейскіх рублёў

Банк Расеі зноў ссунуў уверх межы валютнага калідора: на 5 капеек уверх - да 35,65-44,65 руб.

Курс даляра на Маскоўскай біржы зноў падняўся вышэй псіхалагічна важнай адзнакі ў 40 руб/дал. У першыя паўгадзіны таргоў курс амерыканскай валюты ўздымалася да 40,0025 руб/дал, пасля чаго трохі знізіўся і вагаецца крыху ніжэй «круглай» адзнакі. Адначасова з гэтым рубель умацаваўся да еўра, піша РБК.

Паводле стану на 10:30 мск курс даляра разлікамі tomorrow складаў 39,9905 руб/дал, што на 8,65 кап вышэй за ўзровень закрыцця папярэдняга гандлёвага дня. Паводле стану на 10:30 мск курс еўра разлікамі tomorrow складаў 50,506 руб/еўра, што на 9,8 кап ніжэй за ўзровень закрыцця папярэдняга гандлёвага дня.

Кошт кошыка Банка Расеі паводле стану на 10:30 мск склаў 44,72 руб, што на 0,1 кап вышэй за ўзровень закрыцця папярэдняга гандлёвага дня.

Нагадаем, што ўпершыню курс даляра на Маскоўскай біржы пераваліў за 40 рублёў 6 кастрычніка 2014.

Сёння ж Банк Расеі абвясціў аб тым, што ссунуў уверх верхнюю і ніжнюю межы плывучага калідора бівалютнага кошыка (0,55 дал і 0,45 еўра) на 5 капеек уверх - да 35,65 - 44,65 руб. Гэта ўжо трэцяе з пачатку кастрычніка павышэнне межаў - 3 і 6 кастрычніка 2014 межы калідора зрушваліся ўверх на 10 капеек.

Велічыня назапашаных інтэрвенцый, якія прыводзяць да зруху валютнага калідора, пакінутая на ўзроўні $350 млн.