Пад Ілавайскам 600 байцоў абаранялі 140 кіламетраў мяжы

Трагедыя Ілавайскага катла складаецца з шмат якіх элементаў.

Пра гэта сказаў у каментары gordonua.com кіраўнік часовай следчай камісіі расследавання падзей Андрэй Сенчанка.

"Сёння мы ўжо амаль гатовыя даць адказ на тое, у чым былі памылкі і недапрацоўкі, а памылкі гэта ці злачынства - будзе вызначаць суд. З пункту гледжання планавання аперацыі, камандаванне ёю, безумоўна, ішло на розных паверхах вайсковай машыны, на кожным узроўні былі свае нюансы і свае памылкі. Што да ўзроўню камандавання сектарамі "Д" і "Б", ўзроўню камандзіраў батальёнаў, то ў гэтай частцы трагедыі мы можам ужо паказаць дастаткова аб'ектыўную карціну", - сказаў Сенчанка.

Сенчанка мяркуе, што нягледзячы на заяву галоўнага вайсковага пракурора, што першапрычынай атачэння стаў пяты батальён тэрытарыяльнай абароны "Прыкарпацце", гэта - прызначаны вінаваты. Паводле ягоных слоў, менавіта для таго, каб не даць скрывіць вынікі расследавання, працуюць дэпутацкія камісіі, бо пракуратура ўсё роўна схільная да палітычнага ціску.

"Я не адвакат батальёна "Прыкарпацце", але гэта адзін маленькі элемент, які не мяняў агулам карціны. Пры гэтым відавочна, што было наўпроставае парушэнне загаду. Але калі ўчора галоўны вайсковы пракурор сказаў, што батальён тройчы не выканаў загад камандавання і гэта паслужыла "эфектам даміно", ён не зусім мае рацыю. Калі ўвесь набор даміно расцягнуць на сотні кіламетраў, то ніякага эфекту не будзе, кожная клавіша ўпадзе сама па сабе. У гэтым сектары "Д" нават на момант, пакуль не сышоў батальён, на 140 км мяжы было 600 нашых вайскоўцаў. З іх палова - гэта батальён "Прыкарпацце", 60 спецназаўцаў, а ўсе астатнія гэта тылавікі, рамонтнікі, штаб, сувязісты... Пра якую ўстойлівасці абароны ў сектары "Д" можна казаць?"- падсумаваў Сенчанка.

Генпракуратура прызначыла вайскова-тактычныя экспэртызы для расследавання трагедыі пад Ілавайскам, паведаміў генпракурор Віталь Ярэма. Паводле ягоных слоў, следчыя вайсковай пракуратуры праводзяць допыты, прынамсі, ці быў дапытаны кіраўнік генштаба УСУ Віктар Мужэнка.

Камандзір спецбатальёна "Данбас" Сямён Сяменчанка заявіў, што, паводле ягоных звестак, страты ўкраінскіх вайскоўцаў пад Ілавайскам і ў сектары "Д" складаюць больш за тысячу чалавек. Паводле стану на 14 верасня апазнаныя целы 107 украінскіх вайскоўцаў, якія загінулі ў баях з расейскімі войскамі пад Ілавайскам.

Фота: Reuters