Фотафакт: «Расейскі свет» у менскім дворыку

Дзіўныя збудаванні з'явіліся ў двары шматпавярховікаў на праспекце Газеты Праўда ў Менску.

Дзіцячую пляцоўку невядомыя «крэатыўнікі» аформілі ў выглядзе Крамля, а будынак трансфарматарнай будкі размалявалі пад «хахломскі роспіс». Фотаздымкі збудаванняў апублікавала на сваёй старонцы ў Websta Юлія Ягорава.

Нагадаем, некалькі месяцаў таму камунальныя службы зафарбавалі партрэт класіка беларускай літаратуры Васіля Быкава, намаляваны вулічнымі мастакамі на трансфарматарнай будцы ў Менску.