Дэвід Кэмеран параўнаў Расею з нацысцкай Германіяй
52- 14.11.2014, 15:59
- 51,495
Прэм'ер-міністр Вялікай Брытаніі заклікаў памятаць урокі Другой сусветнай вайны.
Напярэдадні сустрэчы ў рамках саміту G20 з прэзідэнтам РФ Уладзімірам Пуціным у Брысбене Дэвід Кэмеран параўнаў Расею з нацысцкай Германіяй праз агрэсіўную палітыку Крамля ў дачыненні да Украіны. Ён адзначыў, што свет павінен памятаць урокі Другой сусветнай вайны і заклікаў умяшацца, каб «вялікая дзяржава перастала запалохваць меншыя», паведамляе The Telegraph.
«Дзеянні Расеі ва Украіне недапушчальныя, і трэба ясна разумець, з чым мы маем справу», - заявіў Дэвід Кэмеран.
Пры гэтым брытанскі прэм'ер заявіў, што не верыць у «ваеннае развязанне» крызісу, выказаўшы перакананне ў эфектыўнасці санкцый супраць Расеі.
Раней Дэвід Кэмеран заявіў, што дзеянні Крамля ў Данбасе могуць прывесці да пашырэння санкцый супраць Масквы.
Фота: Getty Images