Па Менску шпацыравалі невядомыя з расейскім імперскім сцягам

Невядомыя хлопцы з чорна-жоўта-белым сцягам былі заўважаныя на адной з вуліц беларускай сталіцы.

Пра гэта напісаў у сваім акаўнце ў сацыяльнай сетцы «Фэйсбук» грамадскі актывіст Павел Вінаградаў. Ён таксама апублікаваў фота прыхільнікаў «рускага свету».

Актывісту ўдалося пагаварыць з імі. Хлопцы патлумачылі, што разгульваючы па Менску з імперскім трыкалорам, яны адзначаюць нейкае свята. На развітанне яны крыкнулі «Свабоду жыхарам Данбаса!».