У Магілёве перакулілася маршрутка

Пасажыры маршруткі атрымалі траўмы.

Сёння днём на скрыжаванні вуліцы Першамайскай і праспекта Міра ў Магілёве адбылося ДТЗ: сутыкнуліся маршрутка і аўтамабіль Land Rover. У выніку сутыкнення маршрутка перакулілася на бок, людзі якія знаходзіліся ў ёй, атрымалі розныя траўмы, піша «Комсомольская правда в Беларуси».

Паводле слоў відавочцаў, ёсць пацярпелыя.

Зараз супрацоўнікі Дзяржаўтаінспекцыі ўстанаўліваюць усе абставіны здарэння. Пакуль у ДАІ не кажуць, хто стаў вінаватым у аварыі.