Масавая бойка ў менскім клубе «Вінтаж»: ёсць пацярпелыя

Міліцыя шукае аднаго з удзельнікаў.

Першамайскае РУУС устанаўлівае асобы ўдзельнікаў бойкі ў клубе «Вінтаж», што на вуліцы Каліноўскага. Справа была 16 лістапада. Каля 2 гадзін ночы тут здарылася бойка, у якой удзельнічала не менш за 5 чалавек.

- У клубе адпачывалі дзве кампаніі. Адна група моладзі спускалася па лесвіцы, яны нешта не падзялілі з другой, - распавяла Onliner.by прэс-афіцэр Першамайскага РУУС Святлана Білінская. - Пачалася бойка, удзельнікам прычыненыя траўмы рознай ступені цяжкасці. Адзін з хлопцаў страціў прытомнасць.

У момант прыбыцця супрацоўнікаў міліцыі малады чалавек у белай футболцы (на фота) схаваўся. У РУУС просяць дапамагчы ўстанавіць ягоную асобу.