Нарвежац Карлсэн абараніў тытул чэмпіёна свету ў шахматах

Чэмпіён свету ў шахматах Магнус Карлсэн атрымаў перамогу над Вішванатанам Анандам у 11-й партыі за сусветную карону і абараніў свой тытул.

За адну партыю да канца матчу лік стаў 6,5:4,5 на карысць нарвежца, піша "Інтэрфакс".

Матч на першынство свету праходзіў у Сочы. Першая партыя адбылася 8 лістапада і завяршылася ўнічыю, а ўжо на наступны дзень нарвежац атрымаў сваю першую перамогу. 11 лістапада - у трэці гульнявы дзень (партыі праходзілі па графіку 2 праз 2) перамога была ўжо на баку прэтэндэнта на тытул, індыйскага гросмайстра.

15 лістапада Магнус Карлсэн зноў перамог, выйшаў наперад і з тых часоў сваю перавагу не выпускаў. Пасля серыі нічыіх нарвежац у нядзелю, гуляючы белымі, змог узяць верх, набраць 6,5 ачкоў і датэрмінова аформіць выніковую перамогу - 6,6:4,5. Перамога ў 11-й партыі дазволіла яму абараніць чэмпіёнскі тытул.

Максімальны лік запланаваных партый - 12. У выпадку нічыйнага выніку - 6:6 - пераможца павінен быў вызначыцца на тай-брэйку.

Матч праходзіў у алімпійскім медыяцэнтры Адлерскага раёна Сочы на тэрыторыі Алімпійскага парка. У адзіным комплексе былі размешчаныя ўсе памяшканні і службы, звязаныя з правядзеннем матчу: гульнявая зала, прэс-цэнтр і зала для прэс-канферэнцый, офісы арганізацыйнага камітэта і прэзідэнта ФІДЭ, VIP-зона і Green Room - зона, дзе ўдзельнікі матчу могуць адпачыць.

У 2013 годзе ў сваім родным Чэнаі 15-й чэмпіён свету Ананд саступіў Карлсэну з лікам 3,5:6,5. Нарвежская шахматыст стаў 16-м чэмпіёнам свету.

Раней чэмпіёнамі свету станавіліся: Вільгельм Стэйніц (Аўстра-Венгрыя, ЗША), Эмануэль Ласкер (Германія), Хасэ Рауль Капабланка (Куба), Аляксандр Алёхін (Расія, Францыя), Макс Эйве (Галандыя), Міхаіл Батвіннік (СССР), Васіль Смыслоў (СССР), Міхаіл Таль (СССР), Тыгран Петрасян (СССР), Барыс Спаскі (СССР), Роберт Фішэр (ЗША), Анатоль Карпаў (СССР), Гары Каспараў (СССР, Расея), Уладзімір Крамнік (Расея).